Davao City- Gidagsa sa libuan ka mga estudyante ang Davao City National High School (DCNHS) atol sa opisyal nga abli sa klase karong adlawa, Agosto 29,2023.
Sa interbyu sa media kang DCNHS Principal Evelyn Magno, dul-an 14,000 ka mga estudyante ang naka-enroll sa City High.
Gibutyag ni Magno, duha ka shifting sa klase ang ilahang gipatuman aron matubag ang kakulangon sa mga classrooms ug mga magtutudlo.
Ang DCNHS adunay sobra 400 ka mga magtutudlo.
Matud ni Magno, dakong hagit kanila ang 1 teacher ug 90 students nga ratio sa ilahang Technical Vocational Livelihood (TVL) sa Senior High School.
Apan gitataw ni Magno nga nagpabilin gihapon ang kalidad sa pagtudlo ug gipanigurong No Students Shall Left Behind labaw na sa pagimplementar karon sa full face to face classes.
RadyoMaN Aimee Guinita
Facebook Comments
