Gipasabot ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), mas maayong likayan nalang usa ang paggamit og torotot tungod sa risgo sa takod sa Coronavirus Disease 2019 (COVID-19).
“Health wise, dili siya (ang torotot) safety sa katawhan, dili siya hygienic. Dagha’g ways to celebrate or to make noise on New Year’s Eve. Pwede nimo kuhaon ang imong kaldero. I strongly advice nga be creative on making a noise on New Year’s Eve. Dili man necessary nga torotot gyud,” sulti ni Schlosser.
Giklaro usab ni Schlosser, walay Executive Order (EO) ang City Government of Davao sa pagdili sa pagpamaligya og torotot tungod kay panginabuhi kini sa pipila ka vendors ug ang tawo na ang mutan-aw ug mahimong responsible kung kini luwas ba nga gamiton ilabina karon nga anaa pa ang pandemya.
Una na usab nga nagpahimangno ang health official nga likayan ang mass gatherings karong holiday season sa posibleng mamahimong hinungdan sa surge sa COVID-19 cases sa tuig 2022.
RadyoMaN Kirby Manzon
