DCOTT: Mga biyahero karong bisperas sa New Year, gitambagan nga magsayo

43
Davao City – Nagpahinumdom ang Davao City Overland Transport Terminal (DCOTT) sa mga pasahero nga magsayo sa terminal ilabina karong bisperas sa Bag-ong Tuig, 2022.

Sa interbyu sa DXDC RMN Davao kang Aiza Usop, DCOTT Manager, gisulti niini nga basin adunay posibilidad nga adunay pagka-delatar sa biyahe ilabina nga naga-agad usab ang mga sakyanan sa mga pasahero nga manguli sa ilang tagsa-tagsa ka mga probinsya karong adlawa.

“Kung naa silay plano nga mubiyahe, musayo-sayo lang gyud sila aron dili sila madelatar. Ikaduha, kita nagahangyo gyud nga kung unsay atoang palisiya o guidelines nga gina-implement diri sa atoang DCOTT terminal, atoa lang gyud nang i-follow,” sulti ni Usop.

Hugot usab nga ginapatuman sa DCOTT ang minimum public health standards batok COVID-19 ingon man usab ang pagpatuman sa capacity sa mga sakyanan aron mapatuman ang social distancing sa mga pasahero.

RadyoMaN Kirby Manzon

Facebook Comments