Subling nagpahinumdom Department of Education (DepEd) nga hugot nga gibawal ang paggamit sa cellphone sa oras sa klase.
Sa interview sa RMN Malaybalay ngadto kang Malaybalay City Assistant Schools Division Superintendent Sunny Ray Amit, gibutyag nini nga wala pa gibakwi sa secretary sa DEPED nga gidili ang paggamit sa cellphone panahon sa klase.
Nasayran nga sukad pa kaniadtong 2003, gipatuman na nila ang Department Order 83.
Sa ilawom sa maong kamanduan, hugot nga gibawal ang paggamit sa cellphone sa oras sa klase sa elementary ug sekondarya gumikan na usab sa daling ipakatag ang mga law-ay nga hulagway gamit niini.
Dungan niin, nanawagan ang DepEd sa mga ginikanan ug sa mga magtutudlo nga tudluan ang mga kabataan sa responsableng paggamit sa cellphone.
Samtang sa interview sa RMN ngadto kang Dr. Rene Obra, usa ka medical doctor ug psychiatrist gitambagan ninii ang mga ginikanan nga e-limit ang exposure sa mga gadgets ngadto sa ilang mga anak, ilabina kadtong 2 anyos pa.
Gipasabot ni Dr. Obra nga makamugna kini ug screen dependency disorder kon madependent na sa mga gadgets nga susama sa addiction.
