Davao City – Nagpahimangno ang Department of Social Welfare and Development (DSWD-XI) kabahin sa paggamit sa pangalan sa departamento alang sa pagpangayo og pinansyal nga donasyon.
Sa advisory sa DSWD-XI, giklaro niini nga wala kini magtugot sa bisan kinsa nga indibidwal, organisasyon, o grupo sa sulod o gawas sa ahensya nga mokuha og mga personal nga inpormasyon sama sa bank account o GCash account gikan sa publiko aron makakuha og hinabang.
Pasidaan sa publiko nga dili dayon mohatag og personal nga inpormasyon sa nagpailang empleyado sa ahensya pinaagi lamang sa tawag o text.
Mamahimong i-report sa DSWD ang maong mga insidente pinaagi sa mosunod nga text hotlines: 0975 553 7811 ug 0961 710 6192 aron kini gilayong maaksyonan.
RadyoMaN Kirby Manzon
