Optional nalang nga ipagamit ang Face Shield dinhi sa dakbayan sa Iligan.
Subay kini sa gipagawas nga Executive Order number 291, series of 2021 nga pinirmahan ni City Mayor Celso Regencia.
Gisunod usab sa maong Executive Order ang Department of Health Center for Health Development nga nagsugyot nga kinahanglang sundon sa matag lugar ang tanang guidelines ubos sa alert level 2.
Kahinumduman nga dugay nang mga adlaw gihandum sa pipila ka katawhan sa Iligan ang pagwagtang na sa Face Shield tungod sa ka-igang niini uban sa face mask.
Discretion nalang usab sa matag establishment ang pagpagamit sa Face Shield sa pagpasulod sa ilang establishimento ilabi na high risk area sama sa mga tambalanan.
Epektibo ang maong kamandu-an karong Nobyembre 16, 2021.
