Ginahingyo ni South Cotabato Governor Reynaldo Tamayo Jr., sa mga katapo sang Sangguniang Panlalawigan ang pagdeklarar sa portion sang Productivity and Technology ukon Protech Center nga kabahin sang compound sang South Cotabato Provincial Hospital.
May-angot sini, suno kay South Cotabato Governor Reynaldo Tamayo Jr., ginalauman niya nga wala sang mangin problema agud nga gilayon nga maumpisahan ang construction sang extension sang South Cotabato Provincial Hospital agud nga magamit gilayon tungod sa pagdagsa sang mga pasyenti.
Nahibaluan nga ginhingyo niya sa mga katapo sang SP nga i-urgent ang nasambit niya nga request kag sa subong yara na sa Committee on Legal Matters kag Committee on Health para sa pagtuon.
Ginpahayag sang gobernador nga wala naman sang bastante nga espasyo sa main Provincial Hospital compound amo nga kinahanglan nga ibutang na lang sa bahin sang Protech Center ang extension.
Nahibaluan nga may-yara na sang pondo para sa pagpatukod sang dugang nga three –storey building sang Provincial Hospital nga nagakantidad P200 million.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
