Aprobado na sang mga katapo sang Sangguniang Panlalawigan sang South Cotabato ang nagalab-ot sa masobra P15.5 million Provincial Disaster Risk Reduction and Management Quick Response Fund nga gamiton para sa plans, programs and activities sa pagtapna kag kontrol sang kaso sang balatian nga dengue sa probinsya.
Magakadto naman ang pondo sa pagpatigayon sang provincewide massive IEC campaign on “Oplan Kontra Dengue” nga ginpainan sang P350k, medical, burial, hospitalization assistance sa mga biktima sang balatian nga dengue nga nagakantidad sang P1million, pagbakal sang chemicals para sa fogging kag misting operation sa 70,000 affectted households nga nagalab-ot sa P7.270 million, cash for work para sa oplan lulob kag iban pa nga response operations nga nagakantidad sang P1.5 million, purchase sang 7 units sang misting machines nga ihatag sa mga LGU`s nga yara sa epidemic threshold ang kaso nga nagakantidad sang P280k, para sa Laboratory and Diagnosis and Case Management Program nga nalakip ang purchase sang 1000 triple bag/packs, 50 pcs. Folding beds, 3000 pcs Dengue NS1 and reagents nga nagakantidad sang P3.5 million, pagpatigayon sang provincewide registration of voluntary Blood Profiling Program nga ginpainan sang P300k, purchase sang fuel para sa mobilization sang responders, fogging kag misting operation nga gin-alokaran sang P500k kag para sa functionality and equipage for the activation of ICS and Emergency Operations Center tungod sa Dengue outbreak na nagalab-ot naman sa masobra P805, 870.00.
May-angot sini, nagpasalamat kag ginsiguro naman sa mga katapo sang Sangguniang Panlalawigan ni IPHO Mosquito Borne Disease Coordinator Jose Barroquillo nga magamit gid ang pondo sa pagtapna sang balatian nga dengue sa probinsya kag indi na madugangan ang 22 nga napatay.
