General Santos City–Pabor matud pa si Deped Gensan School Division Superintendent Rammel Flores sa pag gamit ug sach kon sablay panahon sa graduation aron nga mas makadaginot ang mga ginikanan ingon man mapakita ang kultura sa usa ka lugar.
Apan pagpaklaro niini nga ang Deped ang wala nagrequire sa mga ginikanan nga mao kini ang gamiton sa umaabot nga graduation sa mga kabataan karong March ug option kon suggestion lang matud pa kini sa Deped aron nga mas komportable ug minus gastos sa mga ginikanan.
Pero ang pagbuot gihapon matud pa sa mga ginikanan ang maoy matuman, kung buot matud pa nila nga toga ang gamiton sa ilahang mga anak ug mao kini ang nasabotan sa PTA meeting, nan dili mosupak ang Deped niini.
Samtang gipaklaro usab ni School Division Superintendent Flores nga kinahanglan pa usab ug mas lawom nga pagtuon kung mamahimo ba kining gamiton tungod gikinahanglan matud pa nga tama ang nakaborda sa sablay nga gamiton nga tinuod nga naka salamin sa kultura sa usa ka lugar.(Dave Silagan)
