Pagginutok sang fish cages kag paghimo nga septic tank sa lake, rason sang fish kill sa Lake Sebu.

47

Pagginutok sang mga fish cages tungod wala nasunod ang 1 ka metros nga distansya, pagnabaw sang tubig kag pagdamo sang mga higko sang baboy kag tawo nga ginahimo na septic tank ang lake rason sang nagluntad nga fish kill sa banwa sang Lake Sebu sang Enero 8-9, 2020.
Ini ang base sa ila ginpatigayon nga imbestigasyon upod ang BFAR kag OMAG, suno kay South Cotabato Provincial Agriculturist Dr. Raul Teves.
Dugang pa ni Dr. Teves nga yara sa 22 tons sang feeds ang ginapakaon sa tilapia kada adlaw.
Base sa monitoring sadto anay sang Municipal Agriculture Office sang Lake Sebu yara pa sa 61 tubtob 64 ka metros ang kadalumon sang lake, apang sa ulihi nga takos yara na lang sa 47 metros ang kadalumon sang lake suno pa.
Plano naman sang opisyal nga ibalik liwat ang moratorium sa lake agud nga makapahuway ini kag malimpyuhan.
Nahibaluan nga apektado sang fisk kill ang pipila ka area sang Brgy. Poblacion, Bacdulong kag Takunel.

Facebook Comments