KORONADAL – Ginakabalak-an ni South Cotabato OIC Warden Juan Lansaderas nga mas labi nga magginutok ang preso sa provincial jail tungod sa ginapatuman nga one time, big time operations kontra illegal drugs sang mga kapolisan sa probinsya.Ini matapos nga naggulpi sa subong saka ang numero sang mga inmates nga nagalab-ot na malapit sa isa ka libo.Nahibaluan nga madugay na nga overpopulated ang South Cotabato Provincial Jail matapos nga yara lamang sa lima ka gatos ang kapasidad sini, apang nagalab-ot sa masobra syam ka gatos ang numero sang mga preso.Aminado man ang OIC Warden nga daku nga hangkat sa ila nga i-manage ang tuman ka damo nga preso ilabi na nga singkwenta porsyento dire ang nagapangatubang sang kaso nga illegal drugs.Samtang suno kay OIC Warden Lansaderas mas ginpahugtan pa gid nila ang ginapatuman nga siguridad sa provincial jail tungod may pipila gid nga magpaninguha nga magpalagyo partikular na ang mga may kaso nga illegal drugs.
