Gipasiguro ni PNP Chief Director General Archie Gamboa nga mapanubag ang rebeldeng New Peoples Army kon NPA nga ni-ambush sa ilang mga gingsakpan nga nagresulta sa pagkamatay sa usa ka pulis ug tulo nga nasamdan sa KM 26, Tikalaan, Talakag, Bukidnon niadtong Miyerkules sa buntag.
Sa interview sa RMN Malaybalay ngadto kang PNP Bukidnon Provincial Director Col. Ruel Lami-ing gibutyag niini nga ang direktiba ug marching order ni PNP Chief Gamboa ug ni PNP 10 Regional Director BGen. Rolando Anduyan nga gukdon ang mga NPA aron mapanubag sa ilang gihimong pagpamanhig ug aron mahatagan ug hustisya ang mga biktima.
Sa karon matud ni Col. Lami-ing nga naka-full alert status ang tanang kapulisan sa Bukidnon.
Samtang sa interview sa RMN ngadto kang Cpt. Rene Belmonte, ang civil military operations officer ug spokesperson sa 403rd infantry brigade gikondena niini ang pagpang-ambush nga gihimo sa New Peoples Army kon NPA ngadto sa mga pulis
Matud ni Cpt. Belmonte, nga adunay dakong epekto kini sa ekonomiya sa mao nga lungsod.
Nagtoo si Belmonte nga ilabina sa ma-apektuhan ang turismo ug agrikultura sa mao nga lungsod.
Gipasabot niya nga posibleng makunhuran ang kita sa maong mga sektor tungod sa gihimong pagpang-ambush sa NPA.
