Sa interview sa RMN Malaybalay ngadto kang Atty. Alfredo Cape Jr., IBP-Bukidnon Chapter President, gibutyag niya nga sa mga hinapos nga semana ning bulan sa Hunyo, gitakda ang ilang Strategic planning alang sa duha ka tuig nga termino.
Kini sumala pa aron mahan-ay ang mga kalihukan sa buhatan paghatud og serbisyo ilabi na sa mga nanginahanglan.
Sa karon, ginatanyag sumala pa sa buhatan ang mga regular services sama sa legal aide, ug ang bag-ong programa nga IBP Secure Justice Hub.
Usa matud pa kini ka programa nga nagtanyag sa mga serbisyo sa buhatan online.
Panahon nga maplastar ang maong programa, dili na kinahanglan nga muadto sa opisina sa IBP ang publiko apan mamahimong nang maaccess online ug makadool sa ilang tagsa-tagsa ka mga munisipyo.
Target matud pa nga masugdan kini sa lungsod sa Kibawe karong tuiga.
