GIHANGYO sa 26th Sangguniang Panlalawigan ang Land Transportation Office o LTO sa Bukidnon sa paghatag sa temporaryong rehistro sa mga salakyan samtang nagahulat sa resulta sa smoke emission niini, kini base sa gipagula nga Resolution No. 2020-1520 (26th SP) sa pagduso ni Board Member Engineer Melchor P. Maramara, 2nd Legislative District sa Probinsya sa Bukidnon niadtong Hulyo 7, 2020.
Na iksperyensyahan sa mga tag-iya sa mga salakyan ang pagkalangan sa pag rehistro tungod sa limitadong pagdawat kanila tungod sa COVID-19 pandemic og ang kakulangon sa ihap sa mga Smoke Emission Test Centers o ETCs sulod sa Bukidnon.
Ang LTO- Northern Mindanao nag-abiso sa publiko nga aduna lamay katorse (14) ka mga accredited ETCs diin unom (6) lamang niini ang adunay operasyon sa tibuok rehiyon dyes.
Gawas niana, mipagawas usab og laing Resolution No. 2020-1521 ang 26TH nga naghangyo sa upat ka mga kongresista sa Probinsya sa Bukidnon lakip na ang representate sa Marino Partylist sa pagpadali’g pangetag kasulbaran o solusyon uban sa Department of Transportation o DOTr sa maong gihisgutang problema.
