SYUDAD sang Iloilo – Naglambot sa kabug-usan nga P485,000 ang nahatag nga bulig sang Iloilo city government sa mga pamilya sang casualties kag survivors sang paglugdang sang tatlo ka pumpboats sa Iloilo strait.
Nagbaton sang tag 50 mil pesos ang pamilya sang lima ka taga syudad sang Iloilo nga nagkalamatay samtang ang mga non-residents nagbaton sang tag 10,000 pesos.
15 ka survivors nga residente kag pangayaw sa syudad ang nagbaton sang tag 5,000 pesos.
Suno kay mayor Jerry Treñas ang bulig makapahagan-hagan sang kabudlayan nga ginabatyag sang mga biktima kag sang ila pamilya kag mapadasig man ang ila nga recovery.
Natapos ang paghatag sang assistance sang syudad sa mga biktima kag ila pamilya sadtong Agosto 13 matapos ini gin-umpisahan sadtong Agosto 6.
Madumduman, naglugdang ang MB Chi-chi Kezhia kag Jenny Vince sadtong Agosto 3 matapos ginhampak sang pugada samtang nagalayag sa Iloilo strait nga ginkamatay sang 31 ka tawo.
RMN Photo
