Paghatag sang reward sa preso nga nagahatag sang impormasyon batok ilegal nga droga sa South Cotabato Provincial Jail, ginatun-an.

Pagatun-an nila suno kay OIC Warden Felicito Gumapac kon paano ihatag ang reward sa pipila ka mga inmates nga nagahatag sang impormasyon angot sa pagsulod sang illegal drugs sa South Cotabato Provincial Jail.
Suno sa iya ini tungod mabutang man sa delikado ang seguridad sang preso kon mahibaluan sang pipila ka kaupdanan nga sila ang nagahatag sang impormasyon.
Ginpahayag ni Gumapac nga tungod sa suporta kag impormasyon nga ginahatag sang pipila ka preso nakumpiskar nila ang napasulod kag ipasulod pa nga illegal drugs sa Provincial Jail kapareho na lamang sa ulihi nga nakumpiskar ang ginabulubanta P100k nga kantidad sang shabu nga dala sang asawa sang isa ka preso.
Nahibaluan nga may ginpain nga pondo ang PADAC South Cotabato para sa reward system.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>