Gikalipay sa Philippine Charity Sweepstakes Office kon PCSO Bukidnon ang paghatag ug 15 days ultimatum ni Philippine National Police (PNP) Chief Police Director Gen. Ronald Dela Rosa sa tanang mga regional police directors sa tibook nasud aron hunungon na ang problema sa illegal gambling.
Kini dungan sa pagdeklara sa all out war batok sa iligal nag sugal.
Sa interview sa RMN ngadto kang Mario Pelisco, provincial branch manager sa PCSO Bukidnon gibutyag niini nga dugay na kini nilang gihangyo ug nagpadala pa gani sila ug sulat ngadto sa Department of Justice kaniadto aron tutukan ang naghitak nga illegal nga sugal.
Matud ni Pelisco nga trabaho gayod kini sa mga kapulisan tungod kay walay police power ang PCSO.
Welcome matud pa sa iyaha ang gi-anunsiyo ni dela Rosa aron sa ingon nga mapakgang ang illegal nga sugal ilabina ang illegal swertres.
