Andam matod pa si Pangulong Rodrigo Duterte nga pangulohan una ang Philippine National Police samtang wala pa siya’y napili nga mosunod nga PNP Chief.
Wala pa’y desisyon ang Pangulo kung si kinsa ang iyang ibutang nga mo sunod nga PNP Chief isip puli ni kanhi PNP Chief Gen. Oscar Albayalde.
Giingon pa sa pangulo nga kung aduna na siya’y makita nga matinud-anon ug maayong police officer diha na unya siya magpili ug PNP Chief.
Numero uno matod pa nga criteria ni Pangulong Digong ang matinud-anon ug walay bahid sa korupsyon isip sunod nga lider sa pulisya.
Matod pa sa pangulo, samtang wala pa siya’y napili siya ang mohawid sa organisasyon ug ang iyang buhaton mao lamang ang guidance ug direction.
Pipila usab ka mga pulis diri sa Zamboanga del norte, suportado ug uyon sila nga si Pangulong Duterte una ang mangulo sa hanay sa kapulisan sa tibuok nasud.
Samtang dinhi sa probinsya sa Zamboanga del norte padayon nga nagpahinumdom sa katawhan nga sa kanunay mabinantayon ilabi na kung anaa sa mga pampublikong, kung adunay mga kadudahangtawo gilayon itaho sa pinakaduol nga buhatan sa kapulisan aron dali kini mahatagan ug kasyon.
