General Santos City— Diversionary tactics ang usa sa mga ginakonsidera sa militar sa paghidangat ni Najib Pundog, alyas Najib Hussein nga top 2 man sa bag-ong Maute-Isis dinhi sa dakbayan.
Sumala kang Col. Adonis Bajao, labaw sa Joint Task Force Gensan nga basi sa naunang pronouncement sa maong grupo, ilahang lugaan ang hugot nga operasyon batok kanila sa militar pinaagi sa pagpaghigayon ug teroristang aktibidad sa ubang dapit sa nasud.
Kung asa target nila ang mga lugar nga makahatag ug dakong impact. Samtang lakip sa gikonsidera sa ilahang pagidangat mao gyud ang pagpahulay sa dakbayan.
Dugang pamahayag ni Col. Bajao nga sa karon, makit-an gyud ang paglihukan sa maong grupo kung asa lakip niini ang nahitabong pagpanghasi sa Datu Paglas, Maguindanao.
Sumala niya nga base sa ilahang impormasyon nga nakuha, adunay nahitabong panagtapok sa maong grupo sa Tupi, Polomolok ug Maasim, Sarangani. Dako matud pa ang posibilidad nga gihimo ang pagpangharass sa ubang dapit gumikan sa aduna silay planong mas dakong kagubot sa mga dagkong syudad.
Kalabot niini, gibutyag ni Col. Bajao nga human ang operasyon kang Najib Pundog, ilahang gimonitor ang posibleng lokasyon ni Abu Dar nga maoy bag-ong lider sa maute-isis.
Base matud pa sa pamahayag ni Nasifa Pundog, sa karon, anaa sa Lanao si Abu Dar uban sa mga armado sa Dawla Islamiya apan adunay posibilidad nga kini mahidangat sa dakbayan aron sa pagbisita sa iyahang anak.
Busa nanawagan kini sa katawhan nga magpakabana gumikanmakonsiderang dakong bahad sa siguridad ang maong grupo nga kayang muguba ug usa ka syudad.
