General Santos City–Depresyon kini karon ang gituohan sa banang si Alias Helboy, 25 anyos nga taga Purok Pao-Pao, Sinawal, Gensan sa pagpakamatay sa iyang asawa nga si Alias Genelyn, 22 anyos hain gidamay pa niini ang iyang 2 anyos nga anak sa creek nga bahin sa maong lugar kagahapong adlawa.
Sumala ni Helboy nga wala gyud siya magdahum nga himuon sa iyang asawa ang pagpakamatay ug gidamay pa ang ilang anak.
Nasayran nga patay nang nakaplagan ang biktima ug anak niini sa creek sa maong lugar.
Dugang pa ni Helboy nga hilabihang kadismaya matud pa ang gibati sa iyang asawa human namatay ang ilang kamanghurang anak atol sa iyang pagpanganak.
Sukad niadtong higayuna sumala pa sa bana nga dawsa nalahi naman ang lihok sa iyang asawa.
Iya kining ginapangutana apan wala matud pay gitug-an kaniya ang ginang mao nga nagtuo kini nga okey ang iyang asawa. Wala siya magdahum nga himuon niini ang paghikog ug gidamay pa ang ilang anak.
Samtang giikumperma usab ni Police Master Sergeant Randy Semania nga wala silay nakit-ang foul play sa kamatayon sa mga biktima.
Matud sa nasampit nga depresyon usab ang usa sa ilang ginatan-aw nga motibo sa pagpakamatay sa ginang.
Subo lang matud pang palandungon gumikan kay giangin pa niini ug patay ang iyang anak ayha kini naghikog.
