General Santos City–Walay nakit-ang foul play ang kapulisan sa kamatayon sa usa ka 41 anyos nga lalaki nga si Benjie Orajay usa ka mananagat nga nanimuyo sa prk pearly shell brgy.bula ning dakbayan kansa nakit-an na lamang nga wala nay kinabuhi nga gikaingong nagsuicide sulod sa comfort room.
Kahibaluan nga alas 8 ang takna sa gabie niadtong adlawng Sabado nakadawat ug impormasyon ang Police Station 6 kalabutan sa maong panghitabo gilayon kining gerespondihan sa otoridad ang lugar ug didto ilang nakita nga wala nay kinabuhi ang biktima nga nagbitay sulod sa comfort room duol lamang sa baybay.
Basi sa impormasyon nga natala sa Bula PNP Depresyon ang usa sa hinungdan sa kamatayon sa biktima gumikan kay duna matud pay gihambin nga personal nga problema ang nasampit ug dugay na niya kining giantos hinungdan nga nakahuna-huna kini sa pagkutlo sa iyang kinabuhi ug wala man usab may nakita nga commotion sa lugar asa nahitabo ang insidente
Sa kasamtangan anaa na sa lokal nga punerarya sa Gensan ang patayng lawas sa biktima
