General Santos City–Gikakugang sa mga priso sa silda sa Malapatan PNP ang paghikog sa prisong si Eslao Anagon, 52 anyos nga taga barangay Tuyan Malapatan, Sarangani Province niadtong nakalabayng adlaw.
Sumala ni alias Toting, kaubanang priso sa biktima nga ayha nahitabo ang paghikog sa nasampit, malipayon pa silang nanan-aw ug tv nga gibutang gawas sa ilang silda.
Apan samtang nalingaw ang iyang mga kaubanan, misulod sa cr ang nasampit ug didto na gihimo ang paghikog pinaagi sa paggolgol sa iyang liog gamit ang blade. nadala pa sa ospital ang biktima apan gideklara kini patay human sa pipila ka oras.
Dugang pa ni toting nga ayha naghikog ang biktima adunay miduaw nga paryente niini sa ilang silda. Iyang nadunggan nga gisulti sa paryenti sa biktima nga dili na kuno buot sa uban nilang paryenti nga mubalik pa sya sa ilang lugar higayon nga kini makagawas sa prisohan.
Tungod niini nagtuo si Toting nga mao kini ang hinungdan sa iyang paghikog. Nasayran nga gawas sa kasong may kalabutan sa iligal nga droga, gireklamo sab ang suspek sa iyang kaugalingong anak ug pagpanglugos.
