Manila, Philippines – Tungod sagad mga magtutudlo ang gagastos sa mga teaching supplies sa ilang pagtudlo, giduso karon ni Deputy Speaker ug Batangas Representative Vilma Santos-Recto ang balaod nga paghatag ug teaching supplies allowance sa tanang mga public school teachers sa tibuok nasud.
Giduso ni Santos-Recto ang House Bill 3449 o “Teaching Supplies Allowance Act,” nga nagtumong nga hatagan ug P10,000 matag magtutudlo sa matag tuig aron pamalit ug mga gamit sa classroom.
Higayon nga mahimo kining balaod sa unang tuig sa implementasyon niini ang kantidad nga P3,500 kada magtutudlo kuhaon sa alokasyon sa Department of Education (DepEd) samtang ang dungag P6,500 gikan sa unsa mang available nga pondo o savings sa DepEd.
Sa mga musunod nga tuig sa pagpatuman niini P10,000 nga allowance alang sa teaching supplies iapil na sa budget sa DepEd budget alang sa teaching supplies allowance ilawom sa General Appropriations Act (GAA).
Dungan niini gitas-anna usab ni Santos-Recto ang kasamtangang cash allowance sa mga magtutudlo ngadto sa 185 percent, gikan sa P3,500 matag tuig sa P10,000.
