Davao City- Giawhag sa simbahang katoliko ang mga Davaoeños nga padayong mag-ampo ug hinumdumon ang ilahang mga minahal sa kinabuhi bisan pa man sirado ang mga sementeryo.
Sa interbyu sa DXDC RMN Davao kang Msgr. Paul Cuizon, Vicar General Archdiocese sa Davao, gitataw niini aduna may kausaban ang naandang tradisyon sa pagobserba sa mga Katoliko sa Kalagkalag nunot sa COVID-19 aduna gihapuy mga pamaagi sa paghinumdum sa mga nipanaw.
“Even in a very limited capacity diha sa panimalay, in the family they can remember the dead, they can do the prayer, they can do the novena. Gibawalan ta sa gobyerno muadto’g menteryo but it cannot stop our tradition,” sumala ni Cuizon.
Tungod sa hugot nga health protocols sulod sa simbahan, diin limitado ang capacity tungod sa gipatumang 2 meters physical distancing, nagdugang pa sila’g mga schedule sa misa aron maakomodar ang mga buot musimba og mag-ampo.
Matud ni Cuizon, ang mga bolnerableng sektor ug adunay mga comorbidities pweding mutambong sa online mass.
(Aimee Guinita)
