May mga indibidwal nga mas gusto nga naga-isahanon sang sa magpangita sang partner sa kabuhi.
Pero kahibalo bala kamo mga bes nga ang pagka-single ukon wala sang nobyo/nobya ang mas makamamatay kun ipaangid sa obesity?
Sandig sa pagtuon, ang pag-isahanon kag social isolation mga 50% nga posibilidad nga mapatay sang mas temprano kun ikumparar sa may mga social connections.
Mas taas ini sa 30% nga posibilidad sa mga tawo nga obese ukon ang mga tuman katambok.
Suno kay Dr. Julianne Holt-Lunstad, lead author kag professor sang Brigham Young University, ang social connection ginakabig nga fundamental human need nga importante sa ikaayong lawas kag kabuhi sang isa ka indibidwal.
Paandam sang mga eksperto nga isa na ka public health concern ang loneliness ukon kasubo bangud subong may loneliness epidemic na ang sosyodad. -RCSG / iFM Bacolod
