Apisar na-schedule na sang DepED paagi kay Education Secretary Leonor Briones sa iya memorandum ang graduations ceremony sa mga buluthuan ang maga sugod sa Abril 13, mahimo ini ang makansela bangud sa COVID-19.
Suno kay Marsette Sabbaluca, Division Schools Superintendent sang probinsya sang Negros Occidental, dependi sa disisyon kag mahimo gid sang mga opisyales sang probinsya nga makansela ang naka schedule nga graduations ceremony sa probinsya para mapa seguro ang ika-ayong lawas kag malikaw sa padayon nga paglapta sang corona virus.
Dugang ni Sabbaluca nga ang DepED sa probinsya ang magasunod sa ano man nga tikang sang gobyerno lokal kag ilabi na sa mangin desisyon ni Governor Eugenio Jose Lacson.
Nahibaluan nga ang komitiba sang edukasyon kag health sa Sangguniang Panlalawigan (SP) sang Negros Occidental ang nagpasar sang Resolution para sa temprano nga pagsira sang klase kag pag paiway sang graduation exercises bangud sa COVID-19.
[image: image.png]
