Davao City – Nasubo ang usa ka propesor gikan sa usa ka ilado nga unibersidad sa Davao City kun subling dili madayon ang naka-ung-ong nga peace talk tali sa gobyerno sa Pilipinas ug sa teroristang CPP-NPA-NDF.
Gisayangan si Ateneo De Davao University Law School Professor Atty. Arnold Abejaron tungod kay nakagasto na og maayo ang kagamhanan alang sa peacetalks apan sayon ra diay kini ikansela ni CPP Founding Chair Jose Maria Sison.
Gawas ani daw nawad-an usa og bili ang pagbuhi sa gobyerno sa 20 ka tag-as nga mga opisyal ug mga sakop sa rebeldeng pundok nga nabilanggo tungod sa mga kaso aron magsilbi untang taytayan sa peace talk.
Ug tungod ani, gilantaw karon ni Abejaron nga ngi-ob na ang kahigayonan nga duna pa’y kaugmaon ang Pilipinas karon nga kung si Joma Sison mismo ang mukanselar sa peace talk.
Karon nga wala nay kapadulngan ang peacetalks, gipalanog sa propesor ang iyang sugyot nga ibutang na lang sa lahi-lahi nga services ang pundo nga gigahin sa peacetalks aron mapuslan sa katawhan.
RadyoMaN Joel Viray
