Davao City – Dili gyud angayan unta magminyo ang parehong babaye o lalaki (same sex marriage) tungod kay nagpabilin pa kining iligal dinhi sa Pilipinas.
Sumala ni Criminal Lawyer Atty. Leonard Cagatin, tungod kay usa kini ka special nga kontrata nga gitugot sa balaud nga ang magminyo mao ra gyud ang lalaki ug babaye aron mahimong usa ka pamilya nga dunay pagtugot gikan sa simbahan.
Gipasabot usab ni Cagatin nga kung magkuyog ang parehong lalaki o babaye isip magtiayon dili makapanunod ang usa sa mga propyedad nga mabilin sa namatay niyang partner tungod kay walay balaud niini.
Hinoon sugyot ni Cagatin nga maghimo na lang ug kasabotan aron mahimong legal ang iyang pag-angkon sa mga kabtangan.
Samtang daku usab ang pagtoo ni Cagatin nga dili mahitabo sa Pilipinas ang same sex marriage sa rason nga illegal kini.
RadyoMaN Bernard Pantallon
