“Patas ang laro sa lotto”
Ito ang ipinaliwanag ni University of the Philippines Los Baños (UPLB) – Institute of Mathematical Sciences and Physics Professor Dr. Jomar Rabajante, kaugnay ng naganap na pagkapanalo ng 433 na mananaya ng Grand Lotto 6/55.
Sa interview ng RMN Manila, sinabi ni Rabajante na maituturing rin na “common” o sikat na kumbinasyon ang winning pattern na 09-45-36-27-18-54 dahil lahat ito ay multiples of lucky 9.
Dagdag pa nito, hindi lamang ito ang unang pagkakataon na higit isang-daan ang nanalo sa lotto dahil nangyari na rin ito sa ibang bansa.
Wala rin aniyang problema sa naging proseso ng Philippine Charity Sweepstakes Office (PCSO) nang i-draw nito ang nasabing kumbinasyon.
Una nang iginiit ng pamunuan ng PCSO na walang nangyaring anomalya sa nasabing lotto draw, at bukas din ang kanilang tanggapan para sa kaukulang imbestigasyon.
