Pagkapuno ng mga ospital ng COVID-19 patients sa Metro Manila kagaya noong Marso at Abril, naagapan ng ipinatupad na ECQ

Naagapan natin ang katulad sanang scenario noong Marso at Abril na napuno ang mga ospital ng mga pasyenteng positibo sa COVID-19.

Ito ang sinabi ni National Task Force Against COVID-19 Special Adviser Dr. Teodoro Herbosa matapos ang ipinatupad noon na dalawang linggong Enhanced Community Quarantine sa Metro Manila dahil sa banta ng Delta COVID-19 variant.

Sa interview ng RMN Manila, sinabi ni Herbosa na kahit mas maraming naiitalang kaso ngayon ay hindi na kagaya dati na may mga namamatay pa habang naghihintay na ma-accommodate sa mga ospital.

Sa ngayon, karamihan sa mga naka-admit sa mga ospital ay ang mga hindi pa nababakunahan kontra COVID-19.