Taas nga higayon nga giplanohan sa mga sakop sa kapulisan sa pagsikop sa suspetsadong si Abdul Jalil Maruhom, ang gitudlong mipatay sa kanhi executive assistant ni kanhi Mayor Cruz nga si Noel Magaro.
Matud ni Police CaptainĀ James Daleon, nga ala una sa kadlawon milihok ang tropa sa kapulisan paingon sa Lanipao aron pagsikop sa maong suspetsado.
Duha ka suba pa ang tabokon sa mga sakop sa kapulisan aron matultolan ang nahimotangan sa maong suspek.
Alas 3:10 sa kabuntagon hingpit nang nakuha sa mga otoridad ang maong suspetsado.
Wala na makapalag pa si Maruhom dihang napalibutan sa mga kapulisan ang panimalay niini.
Nagpasalamat sa Daleon sa Regional Enforcement Unit ug sa Intelligence Group ingon man sa Iligan City Mobile Force Unit sa pag abag sa nasangpit nga operasyon.
