General Santos City–Nabilin nga ginaluto ug electrical short circuit tungod sa overloading nga mga saksakanan ang ginatan-aw karon sa Bureau Of Fire Protection-Gensan nga posibleng gisugdan sa sunog nga milamoy sa panimalay sa usa ka Felix Tero Jr. nga nanimuyo sa Prk. Sagrado Corazon, Barangay Bula ug sa 6 ka kwarto sa gipanag-iyahan niining boarding house.
Sumala pa ni Sfo1 Filamer Acub, arson investigator sa BFP-Gensan nga sa maong higayon matud pa ang gikonsidera nilang critical nga oras tungod kay mao matud pa kini ang panahon sa pagluto sa mga tagbalay diin dungan usab nga paggamit ug kuryente.
Basi matud pa sa ilahang nahimong imbestigasyon nga nagsugod ang maong kalayo sa kwarto nga gi-abangan sa usa ka alyas Witik , usa ka tricycle driver diin kalit matud pa niulbo ang kalayo ug naka dungog na ang mga silingan ug mga pag busikad sulod sa maong kwarto ug paspas kini nga mikalat sa tapad nga mga kwarto tungod usab sa hangin.(Dave Silagan)
