General Santos City–Gikabutyag ni Sfo3 Allan Rey Emperio ang Chief Operation sa BFP-Gensan nga hangtod karon padayon pa ang ilahang gihimong imbestigasyon kalabutan sa nahitabong sunog niadtong milabay’ng semana sa panimalay ni Cesario Cagas sa may NLSA road sakop sa Brgy.Lagao.
Sumala pa ni Emperio nga wala pa mipatim-aw sa ilahang buhatan ang mga witnesses nga ilahang giimbitahan aron nga makuhaan og pamahayag sa mga imbestigador og wala pa usab nakapasa og mga rekositos ang tag iya sa panimalay rason nga dili pa nila matumbok ang hinungdan sa sunog.
kahinumduman nga mokabat sa kapin 1 milyon ka pesos ang nahimong damyos sa maong sunog.
Saysay usab ni SF03 Allan Rey Emperio nagpadayon sa gihapon ang ilahang pagpahigayon og inspeksyon sa mga building og uban pang mga establisemento sa dakbayan aron masiguro nga luwas kini sa sunog.
Pagpaklaro niini nga padayon usab ang ilahang monitioring sa mga lugar kung asa sagad dunay mga nahitabong sunog og ang ilang fire truck visibility buntag og gabii sa nagkadaiyang lugar sa syudad aron ilahang mabantayan sa panahon nga dunay sunog nga mahitabo. (Reynald Timario)
