General Santos City–Padayon pa karon ang gihimong imbistigasyon sa Maasim PNP kung si kinsa gyud ang responsabli sa pagsunog sa usa ka balay nga miresulta sa pagbaton ug 3rd degree burn sa usa ka 3 anyos nga batang lalaki sa maong lugar.
Una nang gidudahang ang inahan sa biktima nga itago lang ug alyas Luz ang misunog sa ilang balay human nga iyang gilabayan ug gasera ang ilang atop human silang nag away sa iyang kapuyo nga hubog.
Apan dihang siya nasikop ang iyang kapuyo nga si alyas Elmer maoy gitudlo niini nga responsabli sa pagsunog. Sumala ni Po3 Mark Victor Naya, imbistigador sa Maasim PNP nga padayon pa karon ang ilang imbistigasyon aron sayron kung si kinsa gyud sa mag live-in partner ang responsabli niini.
Facebook Comments
