Pagkasunog sa usa ka classroom sa usa ka tunghaan sa Gensan ginasuta kung tinuyuan

General Santos City—Nagpadayon ang gihimong imbistigasyon sa Bureau of Fire Protection Gensan kalabutan sa pagkasunog sa usa ka Classroom sa Romana Elementary School nga nahimutang sa Barangay Calumpang kansa nasunog alas 5:45 ang takna sa kabuntagon niadtong nakalabayng adlaw.

Sumala ni Fire Officer 4 Allan Rey Emperio, Arson Investigator sa BFP Gensan nga sa karon ila pang ginasuta kung gituyo ug sunog ang maong classroom.

Nasayran nga kalit lang nga nag dilaab ang kalayo sa classroom, maayo nalang nga gilayon kining nabantayan ug naapula gilayon ang.

Sumala ni Emperio nga kung mugawas sa ilang imbistigasyon nga gituyo ang pagsunog sa classroom manubag ang mga responsible niini tungod ila gyud kining kasuhan ug arson.