General Santos City—kandila maoy gituohang hinungdan sa pagkasunog sa lawak sa usa ka 69 anyos nga lolo nga si Tito Guipo, nga taga Barangay Lagao Gensan nga hinungdan sa kamatayon niini.
Sumala ni Michael Guipo, Anak sa biktima nga naandan na sa iyang amahan nga mag sindi ug kandila matag kaadlawon tungod siya nagaampo gyud matag kaadlawon.
Posibli matud pa mga subling nakatulog ang iyang amahan ug iyang nakalimtan nga palungon ang kandila nga maoy hinungdan sa sunog.
Gidugang pa ni Michael nga pila niya ka higayon nga gipahimangnuan ang iyang amahan nga dili magsindi ug kandila aron nga malikayan ang sunog apan wa gyud siya paminawa niini.
Nasayran nga pila na ka higayon nga diriyot usab nasunog ang lawak sa nahisgutan gumikan sa kandila. Sa karon gidawat nalang sa pamilya ang kamatayon sa biktima human kining napaig human nasunog ang iyang lawak.
