Davao City – Maagian na kun passable na ang dalan asa natumabahan og punoan sa kahoy partikular na sa Apokon, Tagum City, Davao del Norte kagahapon sa hapon (Oktubre 3, 2022).
Sa interbyu sa DXDC RMN Davao kang Pinky Daniles, Radio Communication Operator sa Tagum City Disaster Risk Reduction and Management Office (CDRRMO), gibutyag niini nga dali nga girespondehan sa City Traffic Management Unit, City Engineer’s Office, ug sa Northern Davao Electric Cooperative, Inc. (NORDECO) ang insidente.
“Falcata nga kahoy. Dali ra man gyud na siya mitumba gyud. Kusog man gud kaayo ‘tong hangin. Kusog ang hangin sabay atong ulan,” saysay ni Daniles.
Wala usay gikareport nga naapektuhang indibidwal o motorista sa maong insidente, gawas lang sa poste nga naguba nga miresulta usab sa power interruption sa pipila ka lugar nga konektado sa maong linya.
RadyoMaN Kirby Manzon
Facebook Comments
