DCPO: Kapin 100 drug suspects, dul-an P1-M droga nasakmit sa September operations

56
Davao City- Nagmalampuson ang Davao City Police Office (DCPO) sa paglusad sa Simultaneous Anti-Criminality Law Enforcement Operations (SACLEO).

Gikan September 9-30, 2022 anaa sa 81 ka mga operations kontra illegal nga droga ang nalusad sa kapulisan. Anaa sa 102 ka mga suspek ang nadakpan ug P932,208 ang sumada sa drogang nasakmit sa mga operasyon.

Sa interbyu sa DXDC RMN Davao kang Police Major Catherine Dela Rey, spokesperson sa DCPO, gipakusgan pa nila ang ilang surveillance ug paggukod batok sa mga nalambigit sa illegal nga droga.

“Mga police stations, mga station commanders naningkamot gyod nga makakuha gyod sila’g accomplishments kay para mamenos-menosan ang atong problema in relation sa illegal nga drugs,” matud ni Dela Rey.

RadyoMaN Aimee Guinita

Facebook Comments