General Santos City–Padayon pang gi-imbistigahan sa Police Regional Office 12 ang sumala pa kalit lang nga pagkawala sa usa ka PO1 Cristine Rojas nga nanimuyo sa Barangay Fatima niadtong milabay nga simana.
Nasayran nga wala na makauli pa sa iyang boarding house si Rojas , uwahing nasayran nga gikan matud pa kini miduty ngadto sa PRO-12.
Sumala pa ni Police Lt. Col. Adrin Gonzales ang tigpamaba sa PRO-12 nga sa karon ilaha pang ginasuta ang kalit nga pagkawala sa nasangpit nga pulis tungod kay aduna matud pay posibilidad nga nag awol kini aron nga makaikyas sa iyahang atubangon nga mga kaso tungod sa paglambigit niini Sa PPM scam.
Samtang dako man usab nga tabang ngadto sa kapulisan ang tanyag sa pamilya ni Rojas nga mohatag sila ug ganti sa mga makahatag ug impormasyon sa nahimutangan sa nasampitnga Police. (Dave Silagan)
