Davao City – Gipasabot sa Police Regional Office (PRO)-XI kung nganong gikonsidera na nga ‘solved case’ ang pagpatay sa flight attendant nga si Christine Dacera sulod sa usa ka hotel sa Makati City niadtong Enero 1, 2021.
Sa interbyu sa DXDC RMN Davao kang Police Major Eudisan Gultiano, PRO-XI Spokesperson, gibutyag niini nga sa termino sa PNP, makonsidera na nga solved ang usa ka kaso kung identified na ang offender, aduna nay igong ebidensya ug na-file na ang complaint sa City Prosecutor’s Office.
“Kahit na hindi pa nahuli yung ibang mga suspek, sa amin sa PNP term solved na siya kasi ‘yun po ‘yung definition ng solved cases sa amin for as long as yung elemento na ‘yun ay present sa sitwasyon,” saysay ni Gultiano.
Nasayran nga daghanang netizens ang mi-kwestyon sa pamahayag ni PNP Chief Police General Debold Sinas kung nganong gikonsidera na nga ‘solved case’ ang kaso ni Dacera bisan og kadaghanan sa mga kauban sa suspek at large pa hangtud ning pagsibya.
Bisan pa man, padayon ang pagpangita sa otoridad sa nahibiling suspek nga kauban sa biktima ayha nahitabo ang krimen.
RadyoMaN Kirby Manzon
