Davao City – Wala gidili kun gibawal sulod sa vaccination sites ang pagkuha og videos o pictures labi na atol sa pagbakuna.
Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), nga daghan ang nagahimo niini isip documentation ug mas maayo usab kini nga kampanya aron madasig ang uban magpabakuna labi na kung kini makita sa ilang kaila o mga higala diha sa social media.
“I guess pwede siya kasi allowed man sya sa atong vaccination sites. I don’t think that gina-apprehend ang atoang pagkuha og video or pagkuha og pictures sa atong pagpa-vaccine. That’s definitely okay,” matud ni Schlosser.
Nasayran nga adunay mga pipila ka videos nga nag-viral human nga walay sulod nga vaccine ang syringe atol sa pagtusok niini ngadto sa tawong magpabakuna.
Gipaniguro sa health official nga dili mahitabo ang susamang insidente dinhi sa syudad labi na nga aduna gayuy mga doktor nga naga-supervise sa vaccination sites ug ginatutokan usab ang vaccination rollout sa lokal nga panggamhanan.
RadyoMaN Kirby Manzon
