Suplay sa COVID-19 vaccines sa Davao bastante

22

Davao City – Gisiguro sa City Government of Davao nga aduna pay igong Coronavirus Disease 2019 (COVID-19) vaccines dinhi sa syudad nga ginagamit sa nagapadayong vaccination rollout.

Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), adunay mga naga-abot nga bakuna sa dakbayan ug naglaum kini nga padayon ang alokasyon gikan sa national government alang sa paspas nga rollout.


“Last week naa ‘tay niabot nga AstraZeneca (vaccines). Naa pud ‘tay niabot na mga Sinovac. So, continue ang atoang rollout, wala pa may putol especially karon nga daghan kaayo ‘tag mga A4 nga willing magpa-vaccine,” sulti ni Schlosser.

Gikalipay usab sa health official ang suporta sa lokal nga gobyerno sa vaccination program diin igo ang vaccination sites ug wala usab nagkulang ang manpower o personahe nga mupadagan niini.

RadyoMaN Kirby Manzon

Facebook Comments