Pagadian City – Mipasabot ang Zamboanga del Sur Police Provincial Office mahitungod sa mga pamaagi sa pagkuha ug travel authority alang sa mga Locally Stranded Individuals (LSIs) ug Returning Overseas Filipinos (ROFs).
Mahinumdumang ang travel authority maoy usa sa duha ka mga gikinahanglan arun makabalik sa matag probinsya.
Personal nga mo request ang usa ka Locally Stranded Individuals (LSIs) ug Returning Overseas Filipinos (ROFs) ngadto sa Help Desk nga gimontar sa police station sa matag lungsod arun masusi sa pulis kung kwalipikado ba kini nga mahatagan og travel authority.
Kon ugaling kwalipikado nga mahatagan sa travel authority, kinahanglan magpasa gidayon kini ug medical clearance certificate gikan sa Municipal o City Health Office. Kung adunay sakyanan, gikinahanglan usab magpasa ug photocopy sa driver’s license, certificate of registration sa sakyanan ug Official Receipt niini.
Gipaklaro usab sa ZSPPO nga dili puyde nga ang aplikante mismo o representanti niini ang mosumitir ngadto sa kampo sa ZSPPO kondili ang personahe lamang sa Help Desk sa matag police station ang gitugutan nga mosumitir sa mga dokumento sa mga aplikante.
Kung maaprubahan na sa ZSPPO, Provincial Operation and Management Office, ipadala gidayon kini sa matag police station, ug ang police station na ang motunol sa Travel Authority ngadto sa mirequest nga LSI o ROF.
