Polomolok, South Cotabato–Gibutyag ni Nono usa sa mga residenti sa Purok 5, Barangay Palkan, Polomolok nga wala gyud nila namatikdan ang paglabay ug patayng lawas sa usa ka lalaki sa ilang lugar gabie niadtong Sabado.
Gani dako nalang ang ilang kakugang human laing patayng lawas na usab ang nakaplagan niadtong Domingo sa buntag sa ilang lugar.Giangkon ni nono nga wala nay tawo sa lugar inig gabie tungod pinyahan ang maong area ug ngitngit pa gyud nga dapit mao nga sila mahadlok nang mahidangat sa lugar panahon sa gabie.
Kahinumduman nga usa ka patayng lawas ang nakaplagan sa pinyahan nga naputos ug samad dinunggaban sa lawas nakagapos ang mga kamot ug gitabunan ug tape ang baba niini.
Gibutyag usab ni Kagawad Camelo Nalugon, nga labayanan gyud ug patayng lawas ang maong lugar.
Sumala pa nga dili kini maoy unang higayon nga adunay nakaplagang patayng lawas sa lugar.
Kahinumduman nga niadtong mga nakalabayng bulan usa ka patayng lawas sa babaye usab ang nakit-an sa lugar.
