Paglalabas ng advisory laban sa paggamit n Pfizer COVID vaccine para sa mga senior, pinag-aaralan ng FDA

Sinisilip na ng Food and Drug Administration (FDA) ang paglalabas ng advisory laban sa paggamit ng Pfizer-BioNTech COVID-19 vaccine para sa mga matatanda o senior citizens.

Ito ang pahayag ng FDA matapos mamatay ang 33 elderly people sa Norway matapos makatanggap ng unang dose ng bakuna.

Ayon kay FDA Director General Eric Domingo, magkakaroon ng revisions at advisory laban sa paggamit ng bakuna sa mga matatanda at mga mahihina.

Wala pang pagbabago sa guidelines para sa paggamit ng bakuna lalo na at patuloy pa ring iniimbestigahan ng Norweigian authorities ang insidente.