Wala gikalipay ni Dr. Allan Farnazo ang Regional Director sa Department Of Education Region-12 ang nahitabo sa usa ka magtutudlo sa Fatima National High School ng si Exiquel Laurente Jr. kansa nasikop sa buy bust operation sa kapulisan niadtong milabay nga adlaw sa atubangan sa Queen Tuna Park, Barangay South ning syudad.
Sumala pa ni Dr. Allan Farnazo nga nakahatag kini ug dili maayong imahe sa mga magtutudlo.
Sumala pa nga gumikan kay sila ang ikaduhang ginikanan sa mga estudyante nga magtudlo ug maayong binuhatan ug pamatasan apan sa nahitabo sa ilang kaubanan sa trabaho wala nila kini gikalipay.
Luyo sa pagkasikop ni Laurente mapasalamaton si Dr. Allan farnazo tungod kung tinuod man galing nga nalambigit sa droga si Laurente dapat lang gayud niya atubangon ang salaod nga iyang gihimo.Tumong niini aron dili kini pamarisan sa uban pang magtutudlo.
Hinuon giklaro sa opisyal nga sa usa ka organisasyon aduna gyoy badlongon.
Gihingusgan sab niini nga ang nahitabo kang Laurente usa ka dakong leksyon, pasabot nga bisan unsa ang propesyon sa usa ka tawo kung malambigit kini sa iligal nga gimbuhaton, mag-atubang gyud ug silot.(Reynald Timario)
