Roxas City, Capiz – Nagapati ang COVID-19 Command Center sang syudad nga dako ang mabulig sang paglimita sa hulag sang publiko para nga mapanubo ang COVID-19 cases sa Roxas City.
Ini ang kabangdanan suno kay executive director Mr. Ronald Amigo kun ngaa ginhenyo sang city government ang extension sang MECQ Status sang dugang nga duha ka semana.
Suno kay Amigo, ang kooperasyon sang tagsa ka pomuluyo sa ginapatuman nga mga pagsulundan sang gobyerno amo ang isa sa mga liyabe agud nga mapanubo ang daily average cases sa probinsya.
Samtang mangin balantayan bwas nga adlaw suno sa iya ang mga updates angut sa igapatigayon nga meeting sa tunga sang Regional Inter Agency Task Force(RIATF) angut sa henyo sang syudad nga extension.
Ang RIATF ang ginabug-osan sang mga tiglawas nagikan sa nagkatuhay nga national agencies kapareho sang DOH, NEDA, OCD, DENR, DILG kag iban pa.
