General Santos City—Temporaryo unang gisuspende sa buhatan sa NBI SARDO ang paghatag ug NBI Clearance ngadto sa mga maglukat niini sa ilang buhatan human silang gimanduan sa ilang National Headquarter.
Sumala pa ni NBI SARDO Chief Regner Peneza nga gilayon niini nga gipaundang ang pag release sa NBI Clearance ug gilayong gipauli ang tanang empleyado sa maong buhatan subay na usab sa pag sunod sa nahimong kamanduan ni President Rodrigo Duterte nga likayan una ang pag tapok-tapok sa mga pambublikong lugar isip kabahin sa pagbatok sa COVID 19.
Apan gianiguro ni Peneza nga bisan paman niini, ang NBI padayon gihapon matud pa ang ilahang trabaho sa Law Enforcement hilabi na ang paggukod sa adunay mga warrant of arrest ug pagsikop sa mga nakalapas sa balaod.(Dave Silagan)
