Paglusad Clean Rider’s sticker, nagmalampuson

Pagadian City – Ang motorsiklo mao ang kasarang gigamit sa mga gun for hire nga riding in tandem isip getaway vehicle human mohimo sa krimen.
Kini ang usa sa hinungdan nganong gipatuman sa kapulisan sa tibook nasod ang pagbaton sa mga nanag-iya og motosiklo sa Clean Rider’s Sticker.
Gipasabot ni Police Chief Inspector Noah Anniversario, nga ang nakabaton na sa maong sticker dili na mahasol sa panahon nga moagi sa lugar nga dunay checkpoints.
Gidugang ni Anniversario nga epektibo ang maong paagi aron mapakunhod ang krimen sama sa pagpangawat og motorsiklo apan kinahanglan gihapon ang kooperasyon sa publiko ilabina ang pagtaho niini ngadto sa otoridad.
Mahinumduman nga gi-launch ang Clean Rider’s Sticker dinhi sa Pagadian City PNP niadtong sabado diin gidagsa sa bagang ihap sa pagadianon.

Facebook Comments