General Santos City— Adunay advantage ug dis-advantage ang pagpa-ubos sa edad sa mga kabataang mamahimo ng pasakaan ug kaso ilalom sa ginadusong balaud kung asa gikan sa 15 anyos, himuon kining 9 anyos.
Pag-angkon ni Police Superintendent Aldrin Gonzales, tigpamaba Sa Police Regional Office 12 nga sagad gyud sa mga nagahimo ug krimen mao ang mga menor de edad.
Rason nga higayon nga ma-aprubahan na ang maong sugyot balaudnon, mapatubag na sa balaud ang kinsa mang makahimo ug salaud hilabina ang mga enor de edad nga nakahimo ug heinous crimes.
Samtang gibutyag ni PSupt. Gonzales nga dis-advantage niini, mapuno ang mga prisuhan higayon nga pangkasuhan ang tanang menor de edad nga makalapas sa balaud.
Saysay niya nga gawas nga mga personaheng lambigit sa droga, adunay daghang menor de edad nga dili lang lambigit sa droga kundili responsable usab sa paghimo ug krimen.
Pagpaklaro niya nga kung mapasar na ug mahimong balaud ang maong sugyot, daghan ng kabataan ang maaresto ug dili na sila pagatawgong mga na-rescue.
